સુરતમાં “સ્વામી વિવેકાનંદ રાષ્ટ્રીય પુસ્તક મેળો 2026”નું ભવ્ય આયોજન

સુરત શહેરમાં વાંચન સંસ્કૃતિને પ્રોત્સાહન આપવા માટે Surat Municipal Corporation દ્વારા “Swami Vivekanand Rashtriya Pustak Mela 2026”નું આયોજન કરવામાં આવ્યું છે. આ પુસ્તક મેળો 22 ફેબ્રુઆરીથી 1 માર્ચ 2026 દરમિયાન Veer Narmad South Gujarat University ગ્રાઉન્ડ, સુરત ખાતે યોજાશે.

22 ફેબ્રુઆરી 2026, રવિવારના રોજ સવારે 10:00 વાગ્યે ગુજરાતના માનનીય મુખ્યમંત્રી શ્રી ભુપેન્દ્રભાઈ પટેલના હસ્તે મેળાનું ઉદ્ઘાટન કરવામાં આવશે. આ અવસરે શહેરના અગ્રણીઓ, સાહિત્યકારો, શિક્ષણવિદો અને મોટી સંખ્યામાં વાચકો ઉપસ્થિત રહેશે.

પુસ્તક મેળાની રચના અને આયોજન

આ પુસ્તક મેળો વિશાળ સ્તરે આયોજન કરવામાં આવ્યો છે. મેળામાં કુલ 11 ડોમની વ્યવસ્થા કરવામાં આવી છે અને કુલ 183 સ્ટોલ્સ ઉભા કરવામાં આવ્યા છે.

ડોમવાર સ્ટોલની વિગતો નીચે મુજબ છે:

• ડોમ-5 માં બુક સ્ટોલ – 63

• ડોમ-1 માં શિલ્પગ્રામ સ્ટોલ – 44

• ડોમ-4 માં નર્સરી સ્ટોલ – 40

• ડોમ-1 માં ફૂડ સ્ટોલ – 36

વિવિધ ડોમમાં સાહિત્યિક પુસ્તકો, શૈક્ષણિક પુસ્તકો, બાળકો માટેના પુસ્તકો, સ્પર્ધાત્મક પરીક્ષાના માર્ગદર્શકો, હસ્તકલા ઉત્પાદનો તેમજ નર્સરી અને ફૂડ સ્ટોલ દ્વારા મુલાકાતીઓને સર્વાંગી અનુભવ મળશે.

વિવિધ સ્પર્ધાઓનું આયોજન

પુસ્તક મેળા દરમિયાન વિદ્યાર્થીઓ માટે અનેક સ્પર્ધાઓનું આયોજન કરવામાં આવ્યું છે. તેમાં ક્રિએટિવ કન્ટેન્ટ રાઈટિંગ સ્પર્ધા (22 ફેબ્રુઆરી 2026, બપોરે 3:00 થી 6:00), સ્ટોરી ટેલિંગ સ્પર્ધા (26 ફેબ્રુઆરી 2026, બપોરે 12:00 થી 3:00), સ્પેલિંગ સ્પર્ધા (27 ફેબ્રુઆરી 2026, બપોરે 12:00 થી 3:00), સ્ટોરી રાઈટિંગ ફ્રોમ પિક્ચર સ્પર્ધા (27 ફેબ્રુઆરી 2026, બપોરે 3:00 થી 6:00), એક્સટેમ્પોર ઓર ક્વોટ્સ સ્પર્ધા (28 ફેબ્રુઆરી 2026, બપોરે 3:00 થી 6:00) અને કાવ્ય લેખન સ્પર્ધા (1 માર્ચ 2026, બપોરે 12:00 થી 3:00)નો સમાવેશ થાય છે. શાળા અને કોલેજ વિભાગ માટે અલગ-અલગ સ્પર્ધાઓ યોજાશે.

સાહિત્ય, સંસ્કૃતિ અને જ્ઞાનને એકત્રિત કરતો આ પુસ્તક મેળો સુરત શહેર માટે જ્ઞાનોત્સવ સમાન બની રહેશે અને વાંચનની પરંપરાને વધુ મજબૂત બનાવશે.